Crowndsourcing participation

السلام عليكم ورحمة الله وبركاته... صلوا ع النبي بدايةً ❤️ يا أصدقائي إذا بدكم تتابعوا حالة جوية معينة تابعوها لما تكون فترتها بعيدة عن المدة الزمنية الحالية تقريبا بأسبوع بالكثير... إذا الحالات الجوية اللي بتبعد عنا يوم ويومين بنلاقي فيها تغيرات ف ما بالكم الحالات اللي بآخر الشهر؟ لو تجيبوا أحسن نموذج خرائط جوي بالعالم ما بعطيكوا رصد دقيق وإلا ما يصير تغير بالحالة ولو كان بسيطا... أي حالة جوية قادمة هي خير من الله عز وجل سواء جابت أمطار / ثلوج أو أي ظاهرة جوية أُخرى فهي من الله وكل شيء من الله جميل ورائع ونعمة كبيرة ولله الحمد. ادعوا الله أن يرزقنا الغيث والثلج والمطر... وتابعوا الحالات بمنطق مش بغباء ولا تشوفوا الحالات اللي بتبعد أكثر من 7 أيام حتى ما تتحمسوا وتحمسوا اللي غيركم ع الفاضي... ولا تقعدوا تتقاتلوا على أسباب تافهة وبسيطة وأي واحد بقعد يهوّل بالأمور أو يتهبل انسوكوا منه ولا تهتموا اله وعاملوه بالحُسنى وبالطريقة الصحيحة اللي بتكسبوا من خلالها أجر ويكسب من خلالها هو المعلومة والطريقة المفيدة والصحيحة وكنوا إخوان مش أعداء وادرسوا الخرائط صح وبدقة وافهموا الأساسيات... مش أي حد بتعلم كم معلومة من الخرائط صار راصد ولا أي حد توقع صح وزبطت معه مرة صار ملك الخرائط لا كل هاد عبارة عن علم ومبني ع التوقعات فقط. أرجو الله أن تصلكم الرسالة كما أريد وأن يوفقكم الله تعالى دائما وأبدا... ادعوا لي وللعائلة والله يحفظكم ويزيدكم علم جميعا 🤲. تحياتي، أخوكم مهند.